Advocatus Mutationi

           

"Ako ay nasa ika labing-isang baitang, bata pa lang ako noon, alam ko na ang gusto kong gawin sa buhay. Dulot ng impluwensiya ng mga nakikita ko araw-araw, kahirapan at mga hindi magagandang problema, nalaman ko sa sarili ko, na kailangan kong tumulong sa iba. Kailangan magbahagi ako ng sarili ko sa ibang tao. Kailangan magamit ko ang kursong inaaral ko sa ngayon.

Ang unang adbokasiyang naiisip ko, ay magsagawa ng 'symposium', patungkol sa pagluluto ng masustansiyang pagkain. Pupunta ako sa iba't-ibang lugar upang magbigay ng mga makakatulong na payo, kung ano ang dapat lutuin, o di kaya'y, magsasagawa ako ng aktwal na pagluluto para makakuha sila ng mga ideya patungkol dito. Pagkatapos ko naman na magluto, ipapakain ko sa mga batang hindi sapat ang nutrisyon, na tinatawag din na 'feeding'.

Pangalawa, ay ang pagtataguyod sa mga mamamayan upang kumain ng masustansiyang pagkain. Sapagkat, ang pagkain ng wasto at tama ay makakaiwas sa mga sakit na maaring dumapo sa isang tao. Samahan pa ng lakas na galing sa mga sustansiya, magiging aktibo ang mga tao sa paggawa ng mga araw-araw niyang gawain. Isang paraan para mapanatiling malusog ang ating katawan."

Nagising ako galing saking imahinasyon ng tawagin ako ng aking kasamahan. 'Ma'am, handa na po ang sasakyan at mga gamit na dadalhin para sa skedyul mo ngayon sa Zambales', sabi nito. Napangiti ako. Ako na pala ngayon ang nagtatag ng Mutare Foundation, isa sa mga nangungunang non-governmental organization sa bansa. Sa wakas, isa-isa ko nang natutupad ang mga adbokasiyang pinaplano ko nang ako ay nag-aaral pa ng Home Economics nung ako ay nasa Senyor Hayskul. Masaya ang aking pusong malaman na naging produktibo ang buhay na ginusto ko. Ang mga adbokasiyang ito ay magbibigay ng impluwensiya, magiging inspirasyon, para sa iba, upang tumulong din sila sa iba. Alam ko, na ipagpapatuloy ko ito hanggang makakaya ko, dahil naniniwala akong, "kapag may kakayahan kang tumulong, tumulong ka sa abot ng iyong makakaya."